 | García Mc & Nación Quilombo - É a Partida VIDEOCLIP de Xoel Méndez/García Mc Dron operator and Cameraman second: Aitor Domínguez https://www.youtube.com/watch?v=pkJqsGbZmBU |
 |
GARCÍA MC Mírame! Canción Urxente polos Nen@s de Palestina Beat x Peter Petrowski VÍDEO de Damián Pazos (Pixelecer @)PixelecerAudiovisual) https://www.youtube.com/watch?v=L1egdKYavM0 |
Para escoitar GARCIA MC preme eiqui
Neste EP García mostra amor e rabia nunha mirada rebelde e zapatista que conduce a través dos ciclos naturais: a expresión das loitas de abaixo, as apegadas á terra.
É un traballo de artesanía feito localmente e que respira globalmente.
Todas as letras son propias, agás o poema “Amor e sangue en Chiapas” de Lois Pereiro; o libriño interior contén ademais as respectivas traducións das letras a lingua castelá e inglesa por Daniel Salgado, Patricia Janeiro ou Jonathan Dunne.
Está gravado e mesturado en Rapapoulo Estudio por Javier Mourón “Mou” tamén de DKTC que leva o peso ademais de case a totalidade da produción musical xunto co produtor Fredi Regos “Croma”; a masterización é do mítico Arturo Vaquero.
No extenso apartado gráfico-artístico teñen a súa pegada dous recoñecidos artistas, o mexicano Gran Om e Xúlio Zé de Arinspunk. Colaboran ademais neste disco curto o mestre do trombón Antonio Rodríguez, o beat boxer Gende Beat, Emiliano Siem e Pepa Yáñez e a máis que destacada colaboración de Lengualerta o famoso artista mexicano, amigo persoal de García que coñece nas súas travesías musicais por México.
“Rúa arriba e rúa abaixo faise o camiño” di, co oficio da palabra consciente expresándose ao redor da alegría e o amor, do sangue e de Chiapas e con toda a xente anónima que fai a digna historia dos pobos, a que non sempre está escrita e todo isto cun posicionamento claro: Abaixo, e de pé.
Xa podedes facervos cunha copia deste traballo, editado polo selo Vir, nalgún dos seguintes puntos de venta:
A Coruña: Baiuca Terra, Librería Sisargas, Patachim, O Mentireiro, A Repichoca e C.S. Gomes Gaioso.
Lugo: C.S. Mádia Leva.
Compostela: As Dúas, O Pozo, Avante, C.S. Gentalha do Pichel, Restaurante Rúa e Cultura Urbana.
Ourense: Faíscas e Auriense.
Vigo: C.S. A Cova dos Ratos e C.S. Bou Eva.
Baiona: Taberna Marrucho.
Ordes: Nuada e Wanda.
PARA MAIS VER AS LETRAS E MAIS INFO:
