A Compañía do Ruído quere o mar, quere a xente e quere a música. Así, o seu novo traballo 'Pensares galegos' reúne eses tres xeitos de amar e dalles forma redonda e escoitable. Segundo un dos compoñentes, Suso Bello, “este é un proxecto para o pobo”, di.
Fai
xa 10 anos que a Compañía do Ruído se embarcou nun proxecto
cultural e, logo de cinco discos, deciden “embarcarse en serio” e
lanzar un novo con nove temas propios e outros dous de 'Os
diplomáticos de Montealto' e Zënzar, así como a
recompilación de “cantares” tradicionais galegos. Dentro desas
nove pezas, boa parte delas son unha radiografía sonora da vila de
Ribeira, da xente e da realidade dun pobo mariñeiro cunha identidade
propia.
Tal
e como afirman desde o grupo, “non se trata só dun disco máis de
'A Compañía', senón dun proxecto máis amplo, transversal e
integrador da cultura galega”; desde a máis tradicional á máis
actual.
Para
levaren adiante este proxecto contan coa participación de técnicos,
deseñadores, pequenas fábricas de edición de cds e músicos de
Galicia tales como Tomás Ageitos, Oplup, Culturactiva ou Jesús
Parada, entre outros. “Eles son só unha parte das persoas que
contribúen á realización do cd”, afirman desde A Compañía,
podendo así amosar “os seus grandes coñecementos” e, asimesmo,
dar “boa conta da calidade artística e musical” do panorama
galego do momento, din.
Sen
dúbida, 'Pensares galegos' vai ser toda unha revolución no panorama
musical galego, xa que lle dá unha volta tanto ao procedemento
creativo, como á produción e, sen dúbida á presentación do
mesmo, que sorprenderá polo novidoso e polo emprazamento no que se
ten previsto realizar.
Se
ben, o grupo precisaba 2.200 euros para a gravación e a produción
deste proxecto, que non podía saír á luz sen a colaboración dos e
das mecenas que, a través da plataforma Verkami, fixesen a súa
achega económica para financialo. Conseguiron superar esa
cifra en menos dunha semana.
“Bótalle
un ron Collins, Llon!”
Este sexto disco da Compañía do Ruído inclúe 9 temas novos ademais de algúns cantares tradicionais e versións de Zënzar e os Diplomáticos de Montealto, ou os JJJ (grupo de Ribeira dos anos 80), así como outras pezas que o grupo foi compoñendo durante os seus 10 anos de traxectoria. En total, 14 temas nos que poder atopar a esencia deste grupo galego xa consagrado.
Este sexto disco da Compañía do Ruído inclúe 9 temas novos ademais de algúns cantares tradicionais e versións de Zënzar e os Diplomáticos de Montealto, ou os JJJ (grupo de Ribeira dos anos 80), así como outras pezas que o grupo foi compoñendo durante os seus 10 anos de traxectoria. En total, 14 temas nos que poder atopar a esencia deste grupo galego xa consagrado.
En
'Pensares galegos' poderemos escoitar desde a historia do ron
Collins, ou como os piratas cubanos botaban limón ao ron para curar
a gota ou as reflexións de Ventura 'O Fedello' que cantaba "al
crusar el río, aquí te espero" nunha versión daquel tema dos
'Tam Tam Go', entre outras.
“Estamos
fortes”
Tal
e como afirman desde o grupo, “Estamos fortes, temos confianza na
formación e ganas de facer directos este verán”. Sen dúbida, a
banda atópase nun momento de forma extraordinario. Cun repertorio
renovado e unha proposta artística cada vez máis demandada por
festivais e outras programacións, a Compañía do Ruído prepárase
para afrontar un verán cheo de concertos da man de Culturactiva SCG,
a súa produtora.
