XOSE LOIS ROMERO & ALIBORIA

Aliboria son:
Ramón Dopico, Jorge García, Cristina Sánchez, María Montero, Mariana Montero, Andrea Montero, Alejandra Montero, Antonio Prado, Cristina Dopico e Xosé Lois Romero
Aliboria é un colectivo de músicos galegos, dirixidos por Xosé Lois Romero, que reinterpretan os cantos e os ritmos enxebres de Galicia con arranxos que renovan a sonoridade da percusión tradicional galega mesturando bombos, tambores, tixolas, tarrañolas, pandeiretas, sachos, pandeiras, pandeiros, latas ou cunchas, entre outros.

As mulleres e homes que conforman Aliboria formáronse na música popular dende ben cativos e representan unha nova xeración de músicos cun coñecemento amplo do seu folclore e cunha gran calidade técnica, un equipo perfecto para que o mestre Romero dea un novo paso adiante na evolución da música popular galega, que vive actualmente o seu momento máis fértil e en permanente proceso de actualización.
A música de Aliboria combina as voces ancentrais da tradición oral de Galicia coa forza e o colorismo tímbrico da percusión tradicional, todo tinguido coa frescura e enerxía que a xuventude dos seus membros lle aporta.
En 2016 verá a luz a súa primeira gravación discográfica que servirá de tarxeta de presentación desta nova proposta que nace coa vontade de amosar ao mundo a vitalidade da música galega.

Xosé Lois Romero & Aliboria - Toutón

https://www.youtube.com/watch?v=tKZHjbR7hnI

 https://www.youtube.com/watch?v=tKZHjbR7hnI


Xosé Lois Romero é un dos músicos clave no rexurdimento da música galega das últimas décadas. Recoñecido acordeonista, percusionista e compositor formado na música tradicional, foi membro de grupos referenciais coma os cuartetos Lelia Doura e Luvas Verdes, así como da compañía Nova Galega de Danza, na que foi director musical nos espectáculos “Alento” (2003), Premio
Opinión a Mellor Disco Galego do Ano, e “Engado” (2006).
En 2008 realizou os arranxos e a dirección musical do espectáculo “Terra de soños”, que supuña o retorno aos escenarios de Fuxan os Ventos, con 30 recoñecidos artistas en directo. O concerto foi editado en 2009 en fomato libro-CD-DVD. Ese mesmo ano elabora
e interpreta en directo a música do espectáculo “Ovay”, primeira montaxe da compañía de Quique Peón, editado dixitalmente como “Música para Ovay”.
É coautor da colección didáctica musical “Pel & madeira” e na actualidade centra a súa actidade no trío tradicómico Vaamonde, Lamas e Romero e compaxina as súas xiras e concertos coa docencia e a difusión do folclore tradicional.
A súa traxectoria está marcada pola teimuda busca de novos camiños e polos proxectos multidisciplinares, sempre dende unha perspectiva galega.
Ten colaborado con innumerables artistas, tanto en gravacións coma en directo, e obras da súa autoría forman parte dos seus repertorios: Mercedes Peón, Kepa Junquera, Susana Seivane, Guadi Galego, X.M. Budiño, Leilía, Xabier Díaz, Fuxan os Ventos, Faltriqueira, Radio Cos, Coetus, Jane Joyd, aCadaCanto, Jabbar Al Janabi, Orquestra de Jazz de Galicia… cos que ten actuado por todo o mundo, dende Amann a Nova Iorque, pasando por Zimbabwe ou Bos Aires.

Xosé Lois Romero & Aliboria - Mangüeiro

https://www.youtube.com/watch?v=Ge9Uu8SeGDE

 https://www.youtube.com/watch?v=Ge9Uu8SeGDE

 Xosé Lois Romero & Aliboria (2016)

Temas:
1. Liñares (I) 3:35
2. Mangüeiro (Olvídame) 3:13
3. Gargamala 4:33
4. Toutón 6:08
5. Caroi 3:55
6. De Laxoso a Zobra (con Mario Mas e Aleix Tobias) 6:09
7. Arcos 3:33
8. Liñares (II) 4:36
9. Seixedos 5:10





Gravado por Rubén Montes en Casa Gasamáns (Ames, A Coruña) os días 22, 23 e 24 de xaneiro de 2016. Tres días de convivencia de músicos e técnicos na casa de turismo rural crearon unha boa sintonía que se veu reflectida nas gravacións e que ainda persiste nos seus directos.
 

Aleix Tobias e Mario Mas foron gravados por Dènys Sanz en Estudis Saudade en Granollers e CasaMas no Penedès (Barcelona).
 

Mesturado e masterizado por Rubén Montes en Estudios Disquesí (Oza dos Ríos, A Coruña).
Producido por Xosé Lois Romero e Rubén Montes.


Puntos de venda físicos do  disco.

A Coruña:
- Librería Sisargas. Rúa San Roque, 7 - 981 20 00 82
- Librería Suevia. Rúa Vila de Negreira, 32 - 981 90 76 38

Betanzos
- Libraría Biblos. Rúa Santiago, 4 - 981 77 18 16
Boiro
- Libraría Nobel. Rúa Manuel María, 10 - 981 844 206
Caldas de Reis.
- Escola de Instrumentos Populares Galegos Suso Vaamonde. As Escolas. Lugar San Martiño s/n. Arcos da Condesa - 629 042 081
Cotobade
- Casa da Gaita. Lugar de Quintán, 3 - Viascón - 986 847 074
Ferrol
- Confitería Gascón. Estrada de Castela, 12 - 981 31 22 47
Lugo
- Tradescola. Rúa Pintor Corredoira, 4 - 982 22 99 66
Ourense
- A arca da Noe. Rua do Forno, 13, Vilar de Santos - 988 44 71 28
Santiago de Compostela.
- Trisquel. Rúa Acibechería, 31 - 981 57 68 70
- De cotío. Rúa Xelmírez, 26 - 981 56 07 96
- A Grileira. Rúa Sar, 16 - 981 56 62 32
- Casa de Xantar O Dezaseis. Rúa San Pedro, 16 - 981 56 48 80
- Librería Couceiro. Praza de Cervantes, 6 - 981 58 62 37
Vigo
- A.C. O Fiadeiro. Rúa Jesús Fernández, 3 - 986 25 35 85

En calquera caso sempre podedes mercalo en www.xoseloisromero.com e enviarásevos a casa.

 

CONTACTO : 

www.xoseloisromero.com

 

Fotos da actuacion no Var con Uve en Moaña en: http://musicaengalego.blogspot.com.es/2015/12/fotos-xl-romero-aliboria-no-var-con-uve.html