PAKOLAS

PACO CERDEIRA, MAIS COÑECIDO COMO PAKOLAS ENTRE O PÚBLICOINFANTIL, LANZA O SEU PRIMEIRO LIBRODISCO EN SOLITARIO DA MAN DA EDITORIAL GALAXIA, NA SÚA COLECCIÓN SONÁRBORE.

Paco Cerdeira, ou Pakolas, nome co que se presenta ante o público infantil e que da título a este novo librodisco, é músico e compositor, cunha longo traxectoria neste eido profesional, sumando mais de 13 anos en diferentes grupos infantís. Despois da edición de “A Gramola Gominola” e de moitos dos temas de “Cancións para Desafinar”, ambos libro-Cds da banda infantil que el mesmo funda, lánzase á aventura en solitario.

Defínese como rockeiro e guitarreiro, creando música para tódolos públicos, dende os mais miúdos ata familias ao completo, “música para todos e todas e letras axeitadas aos mais cativos e cativas” “Cancións para rockear, para soñar, para non parar de mover o esqueleto e tamén sobre todo, para aprender”

Chega este con este novo traballo cantando e contando historias de animais que serán os protagonistas de moitos contos, “Mero o baldomero”, “Xabarín con bombín”, “O Furafollas”, “A quenlla Madrugadora” e “Mc Pac” entre outros.

Editado por Galaxia na súa colección Sonárbore, Pakolas é un libro-CD que recolle na edición 10 novas cancións orixinais e tamén 1 dos contos que engloba o proxecto, e como novidade aporta a colaboración para a súa elaboración co Colexio de Logopedas de Galicia, co que o autor traballou dende un primeiro momento. Deste traballo conxunto nacen estas cancións pero tamén os contos que as acompañan, xerando unha historia fantástica cunha parábola ou moralexa final, ademais de material complementario pedagóxico ao que se poderá acceder de xeito multimedia, xunto co resto dos contos. Así tanto estes profesionais logopédicos, como os centros escolares ou os propios lectores, a través dun código BIDI, atoparán materiais adicionais ademais do propio contido do libro.
En palabras do Colexio Profesional de Logopedas de Galicia, “a música é un instrumento excelente para potenciar a comunicación, as relacións e a aprendizaxe. O colexio colabora con este proxecto convidado polo autor que busca nas súas cancións; entretemento e didáctica, pero máis alá do xa esperado neste tipo de arte, achega ó público infantil con afectación na linguaxe, un recurso de base logopédica facendo así un tipo de música universal e terapéutica non existente ata agora na nosa lingua, o galego, e que serve como non para tódolos públicos polo seu grado de entretemento e didáctica asociada”.


Podedes escoitar algún tema en:

www.soundcloud.com/pakolas

ou en :




A ilustración do libro corre a cargo da creatividade de Laura Romero, licenciada en Belas Artes na Universidad de Salamanca, que consegue darlle vida a eses animais protagonistas de historias fantásticas, a través das imaxes cheas de colorido. Entre os últimos traballos de Laura destaca a posta en marcha do proxecto “Músicas Galegas Ilustradas” na que esta xunta as súas dúas facetas artísticas, xa que tamén é baixista na banda Zenzar, da que forma parte xunto con Paco Cerdeira á guitarra.



“Pakolas” conta con algunhas colaboracións na parte musical, por unha banda Vituco Neira de Ruxe-Ruxe e Pilara de Pontearnelas ás voces do “Furafollas”, e coas baterías de Ro Muñoz, tamén integrante da banda A Gramola Gominola.

Desta volta, a posta en escea deste traballo é un espectáculo infantil en pequeno formato individual, “As Parábolas de Pakolas” que xa leva percorrendo a xeografía galega dende o mes de Abril deste ano 2017, e no que Paco Cerdeira interpreta en directo unha escolla dos seus temas infantís, xuntando música, historias e moita participación co público a xeito de aprendizaxe pero tamén, e como non de moito divertimento. O espectáculo seguirá xirando por toda Galicia, cunha renovada escenografía tamén deseñada por Laura Romero e apoiada neste novo libro ilustrado.

+ INFO:




Web : 
www.pakolas.com

Axenda : www.pakolas.com/axenda/

Web da ilustradora: www.eleromero.com/comercial/

Web da Editorial Galaxia: www.editorialgalaxia.gal/produto/pakolas/

Contacto:
Pakolas (Paco Cerdeira)
Teléfonos: 649 61 18 45 /645 34 71 82
Email: pakolas.cerdeira@gmail.com