Dequenvessendo bebe da tradición para actualizar o folk galego.

Membros da banda:

Formación :

Bieito Romero: gaita, frauta traveseira.
Irene Cerqueiro: voz, frauta traveseira, teclado.
Pablo Rosales: whistle, zanfoña, gaitas.
Jorge Salgado: guitarras, bouzouki, teclado.
Miguel Ocampo: percusión.
Miguel Rosales: acordeón diatónico, teclado.
Javier A. Ferreiro: técnico de son.

O grupo que naceu no 2016 no seo da Asociación Cultural Triskell de Armentón (Arteixo), coa idea de formar un proxecto baseado nos cuartetos de música tradicional. Desde os seus inicios, o grupo deixa a súa impronta en foliadas de prestixio como os Cantos de Taberna de Folgoso do Courel ou en citas como o Festival da Carballeira de Zas.

A experimentación sonora e o achegamento ao traballo de grupos como Luar na Lubre, Milladoiro, Silly Wizard ou The Tannahil Weavers dán paso, desde a tradición, ao folk contemporáneo. As influencias de diversos estilos musicais resoan nos seus directos e o grupo acada a súa actual formación, de 6 membros multiintrumentistas, no ano 2018.

Neste tempo a banda convérteuse nunha peza chave da programación musical de míticos locais como Casa das Crechas ou Cova Céltica e acada o recoñecemento en eventos de primeiro nivel. É o caso do Festival de Ortigueira, cita na que se proclama gañadora do Concurso Runas 2019 xunto ao gaiteiro xaponés Yuki Kojima.

Neste 2020 o grupo impulsa e finaliza, exitosamente, unha campaña de micromecenado apoiada por máis de 160 persoas co obxectivo de publicar o seu primeiro LP. Este verán Dequenvessendo regresa con forza aos escenarios para presentar ante o público Canto das xacias. un traballo que ten coma protagonista a cultura galega a través da súa poesía e do seu imaxinario popular. O primeiro singledo álbum, Muiñeira d’a cabra, está dispoñible desde o 25 de agosto (https://links.altafonte.com/n0qywgq).