MIGUEL QUEIXAS

Podes escoitar a MIGUEL QUEIXAS premendo eiqui

Ou con 3AZOTEAS premendo eiqui

Comeza no mundo da música de forma autodidacta ós 15 anos animado pola idea de montar unha banda de rock xunto cos seus amigos.

Toma leccións de batería e linguaxe musical en ESCUELA DE MÚSICOS (A Coruña) onde recibe clases dos bateristas Andrés Rivas e Manolo Brei.

Un ano máis tarde comeza a estudar na ESCOLA MUNICIPAL DE MUSICA DE A CORUÑA. Alí coñece a Miguel Cabana, o que significa un punto de inflexión á hora de decidir entregarse a tempo completo á música e á batería. Con el estuda oficialmente durante 8 anos, e sígueo a facer día a día compartindo un proxecto de percusión afro-cubana xunto co tamén gran percusionista Javier Ferreiro “Man” (Luar na lubre).

Entre os anos 1999/2004 traballa diferentes orquestras de baile galegas para logo continuar os seus estudos tanto na Escola Municipal de Música de A Coruña na súa especialidade de Jazz, impartida polo guitarrista José Antonio Acuña, como na ESCUELA DE MÚSICOS onde recibe clases da baterista catalana Teresa Sayas.
Dende finais de 2004 forma parte dos músicos da recoñecida compañía Nova Galega de Danza, ca que representou os espectáculos “ALENTO”,“ENGADO” e actualmente “TRADICCION”.

Durante o curso 2006-07 impartiu clases de bateria na xa citada ESCUELA DE MÚSICOS e no Centro de Ensinanzas Musicais Adagio Cantabile (A Coruña).

Nese mesmo período preséntase ás probas de acceso ó Conservatorio Superior de Música de A Coruña, na especialidade de Jazz, onde estudia actualmente o cuarto e último  curso.

Ó longo destes anos acude a seminarios como o Seminario de Música Latina impartido por Hansel Luis Díez na ESCOLA MUNICIPAL de MÚSICA de A CORUÑA(2000), II e III Ed. SEMINARIO DE JAZZ  impartidos por Brian Trainor, Jeff Jerolamon e Richi Ferrer na ESCOLA MUNICIPAL DE MUSICA DE A CORUÑA, III seminario DE CAIXON FLAMENCO impartido por Isaac Viguera, Israel Suárez, Sergio Ramos, José Carrasco, Juan Flores e Jorge Jiménez (Castelldefells, Barcelona 2007), Seminario Percusión Brasileira impartido polo percusionista Joao Bosco de Oliveira na ESCOLA MUNICIPAL DE MUSICA DE A CORUÑA, “One Week Jazz Rock Course Summer School” en Guildhall School of Musica and Drama (Londres, 2006), III Seminario de Novas Músicas de Monforte de Lemos (2007), Cursos de Improvisación no Jazz con Steve Brown 2009 e 2010, etc…

Participa en diversos festivais como o Festival Internacional do Mundo Celta de Ortigueira 2006 e 2010, Galiza Sons (Barcelona, 2007), Festival de Jazz O Burgo edicións 2008 e 2010, Festival de Danza de Navarra, Festival Madrid en Danza 2006 e 2009, Festival de Jazz de Pontedeume edicións II e V , II Festival de Jazz DON ULPIANO, Festival de Jazz de Outono Balneario de Mondariz (Ourense), Imaxinasóns Jazz Festival 08, Expo Zaragoza 08, Iberojazz Festival edicións 2008, 2009 e 2010, Pontevedra Campus Jazz 09, Son De Noite A Coruña 09, II Festival de Jazz As Mariñas, Festival Internacional Puerta al Mediterráneo 09, Expo Shanghai 2010, etc...

Formou parte ou colaborou ca Orquestra Sinfónica de Galicia, Luar Na Lubre, Walter White Quartet, Xabier Díaz Sexteto, Ángeles Dorrio Cuarteto, Big Band do Conservatorio Profesional de Música de Carballo, Big Band do Conservatorio Profesional de Música de A Coruña, Coruña Big Band, Big Band do Conservatorio Superior de Música de A Coruña, Pepe Evangelista Quinteto, Carmen Dor, Roberto Somoza Cuarteto, Carmen Rey Grupo, Vennue Conection, Black Bum, Banda de Nash, Lobaloo, Climatopía 08/09, Orquestra “Los Gemelos”, Orquestra “Los Príncipes”, Orquestra “Fania”, Orquestra “Los Satélites”, etc… 

Para máis info: Miguel Queixas.com 

• Miguel Queixas (percusión)
  Pablo Pérez (contrabaixo, baixo eléctrico)
• Iago Mouriño (piano, teclados)

3AZOTEAS ten como única pretensión darlle cabida ás inquedanzas musicais colectivas dos seus integrantes, tomando o jazz como punto de partida, pero dende unha perspectiva aberta, sen prexuízos nin imposicións estilísticas ou compositivas. O nome do grupo pode verse como unha alegoría do que implica como elemento construtivo; tres azoteas decoradas, organizadas e amobladas dunha forma diferente, pero integrantes do mesmo edificio e por tanto ensambladas dentro dunha construción e duns parámetros arquitectónicos similares. Este encontro musical, esta sorte de comunidade de veciños creativa, tenta facer un compendio dos gustos e experiencias musicais dos seus inquilinos para dar lugar a un proxecto no que a música se estenda como un fluído por riba das estruturas.