HABELAS HAINAS

 Para escoitar HABELAS HAINAS preme eiqui

SON:
Arantza Alfaia: tamboril, bombo, darbuka, caixón flamenco
Jara Ortiz: voz, bombo, pandeireta, crótalos árabes
Patricia Gamallo: gaita, saxo alto, pandeiro
Sandra Tamayo: acordeón, gaita, pandeiro

Desde o 2009 ano no  que se crea o proxecto Habelas Hainas, estas catro rapazas cuxa versatilidade vai alén do feito de seren multiinstrumentistas e lévaas a explorar outros eidos artísticos como a teatralidade e as artes plásticas e visuais facendo de cada espectáculo algo diferente e senlleiro.

O punto de partida é a música tradicional e de raíz; séntense parte dunha tradición longa e viva da que xorde a natural necesidade de expresárense, sempre dende unha ollada feminina e plural. Isto lévaas a explorar outras músicas, crear os seus propios temas e experimentar coa tradición; tal inquedanza permanente reflíctese na indagación e aproveitamento dos diferentes recursos dos instrumentos tradicionais creando un son enérxico, fresco e orixinal.