NOITAREGA

Para escoitar NOITAREGA preme eiqui
 Pasou xa moito tempo dende aquel ano 1989 no que Xosé Oliveira, Fernando Costas, Manuel Alonso e Xosé María Gutiérrez fundaron o grupo resistindo ao paso do tempo coma as bimbias dobregandose o vento para volverense endereitar.
Tres mestres gaiteiros:  Xosé Oliveira, Telmo Costas e Fernando Costas e dous percusionistas estratosféricos: Manuel Alonso no tambor e Xosé María Gutiérrez no bombo.

Musicalmente falando, tanto os concertos como os traballos discográficos do grupo veñen ser un fito no que respecta a unha nova interpretación da música tradicional galega, xunguindo o sabor do tradicional con novas e rechamantes opcións instrumentais e interpretativas, todo isto conseguido cunha base instrumental netamente autóctona (gaita, zanfona, tamboril, bombo, pito pastoril, requinta, tarrañolas, culleres, pandeireta, ferriño, pandeiro, etc.) máis realizando uns arranxos totalmente anovadores, como a combinación de gaitas en diferentes tons, zanfona con pito e requinta ou misturas de diferentes aparellos percusivos.

XXI  2011
 Para conmemorar os seus 21 anos de existencia, Noitarega ofrécennos “XXI”, un disco gravado nos Estudios Muu de Vigo baixo a produción de Pedro Feijoó e do mesmo grupo que, fiel ao seu estilo, nos amosa a clara evolución da banda e que conta cunhas colaboracións de luxo: Anxo Pintos (Berrogüetto), Ernesto Campos, Xaime Estévez (Os Terribles de Donas) ou Luís “O Caruncho”, entre outros.





Os nosos Gaiteiros 1999
Neste segundo traballo discográfico, Noitarega faille unha homenaxe ós Gaiteiros de Soutelo, Os Morenos de Lavadores, Os Cruceiros de Vigo e a Enrique Otero Covelo. Interpretan temas do repertorio dos gaiteiros homenaxeados.





Noitarega 1992
o primeiro traballo discográfico deste veterano grupo vigués. Noitarega interpretan coidadosamente repertorio da zona de Vigo (na súa maioría de autor), arranxado polo grupo para quinteto de gaitas. Tamén inclúen na gravación outros instrumentos populares como a zanfona e a requinta.






Para máis info: Noitarega. com

musica en galego noitarega