Cristina Pato: Un día na Casa Branca


 

Cristina Pato: Un día na Casa Branca

O evento de Turnaround Arts da semana pasada na Casa Branca resultou ser unha experiencia inesquecible. O evento estaba pensado para resaltar o traballo da Turnaround Arts Initiative, un programa piloto para axudar a remontar ás escolas de baixo rendemento e aumentar a participación dos estudantes a través das artes. En palabras da Primeira Dama Michelle Obama “O programa Turnaround Arts superou non só as nosas expectativas, senon as nosas esperanzas e soños máis osados (…) hoxe en día, os estudantes destas escolas están involucrados na súa educación como nunca antes.”

Cristina estivo encantada de participar en tal evento por unha causa coa que está profundamente comprometida, e pasouno realmente de marabilla. E temos fotos para probalo! Bótalles un vistazo na nova web →

Esta semana, Cristina colabora co Silk Road Connect, o proxecto educativo do Silk Road Ensemble, e con Midori and Friends no Lincoln Center. Ademais, a artista está en pleno proceso de desenvolvemento da residencia que a vai levar o próximo ano a The College of the Holy Cross.

The College of the Holy Cross situouse no posto 20 da lista Forbes de Mellores Universidades de Artes Liberais de Estados Unidos.