MJ PEREZ


M.J. Pérez

Solista: guitarra e voz


Nada en Arzúa. María aprende a tocar a guitarra aos 14 anos. Pronto comeza a descubrir un xeito diferente de expresarse creando as súas propias cancións.











CASANDRA (2017)

Este álbum que marca un antes e un despois na traxectoria da cantautora, xa que se trata dun traballo no que, sen deixar de lado a súa esencia, a artista explora novos camiños e estilos no eido musical.


Á xa coñecida banda composta por Diego Fiuza á guitarra, Inés Mirás ao baixo e Alberto Rama á batería, súmase unha lista de colaboracións que enriquecen notablemente este novo traballo. Trátase de Richi Casás nos ventos, Martiño Cabarcos na zanfona, Paco Cerdeira no Bouzouki, Ailén Kendelman (compoñente da formación Áureas) nas percusións e o artista da costa da morte Serj que interpreta un tema a dúo con MJ.

Este é o primeiro traballo de estudio da cantautora, que continúa no camiño da auto-produción, mais buscando continuamente a mellora disco tras disco. Casandra é un álbum gravado no estudio dos Locais de Ensaio do Concello de Arzúa, por tanto, dobremente especial para a artista, que na gravación e mistura contou co bo facer de Paco Cerdeira. Colaboraron tamén: Chou na asterización, Xoana Almar (de Cestola na Cachola) co deseño da portada do CD e o portugués Joel Faria deseñando unha serie de retratos que ilustran o interior do álbum. O Concello de Arzúa colaborou facilitando en todo momento o acceso e uso das instalacións do estudio, así como a axuda e preparación da presentación do disco, que será na Casa da Cultura.

“Ai de Min!”

https://www.youtube.com/watch?v=qiBD9TvdX9w

Grabado, producido e editado por MJ Perez 
en clave de Lyric Video.

Casandra, o título do disco é unha referencia ao mito grego de Casandra, quen posuía o don da profecía e era quen de adiviñar o futuro. A raíz dun conflito co deus Apolo, Casandra foi castigada: mantería o seu don, mais ninguén crería nela. A traxedia de
Casandra chegou cando foi quen de prever a guerra e caída de Troia e ninguén creu nas súas súas advertencias.





DISCOGRAFÍA PREVIA:




Guerrilaira (2015), é o último traballo de MJ Pérez.

Un álbum con doce temas unidos por un motivo común: a guerra.

Un proxecto minimalista cheo de frescura que presenta unha evolución tanto a nivel interpretativo como musical con respecto aos traballos anteriores.

O resultado final é unha fusión de diversos estilos musicais, co predominio do rock-pop
.
O disco amósanos o escenario real dunha guerra: devastación, frustración, rabia... pero tamén ironía, enxeño, sutileza ou mesmamente amor. Isto, sumado á variedade de ritmos e á gran expresividade da artista, fai deste traballo unha experiencia íntima e singular.

Dentro dos seus temas, cómpre destacar
A Guerrilleira, no que nada é oque parece, pois o seu claroscuro tórnase nun sopro de luz no seu final.
A forza e a rabia priman en temas comoMorder a Lingua ou A Peza Solta ... e a guerra continúa ata chegar ao seu punto final, onde con Quería Fuxir vemos como a veces a fin dun camiño non é máis que “o mero
inicio do que está por vir” ... porque ao fin e ao cabo: mala herba nunca se mata

O álbum foi editado e gravado por Eloy Vidal, quen tamén fixo arranxosen varias cancións e colaborou durante todo o proceso de elaboración do CD. A caratula foi deseñada pola artista portuguesaJoana Costa
e todo oseu interior foi traballo da propia María José.
Podedes escopitar, descargar e mesmo mercar os seus temas en:
http://mjperez.bandcamp.com/album/guerrilleira

MJ Pérez A Peza Solta

A Peza Solta -

O tema é unha reedición dun dos temas do seu último disco "Guerrilleira", que experimenta unha transformación notoria coa incorporación da banda e a colaboración especial da poeta coruñesa Lidia Bao.
Videoclip producido por María José Pérez e O Valse.
Dirixido por Rubén Gasalla e Pablo Lomba.
Dirección de Fotografía: Rubén Gasalla.
Dirección de Arte: Pablo Lomba.
Coa colaboración de Martín Rei Leis (produción) e Marta F. Escobar (Foto Fixa)

DISCOGRAFIA PREVIA:


“Ollos que non ven, síntoma de cegueira”

É o título que María escolle para este álbum auto-editado de 10 temas que a artista compartía a través da rede, na plataforma Bandcamp, a medida que gravaba. Deste xeito, foi un proxecto que se prolongou no tempo.

Tanto as letras como a música son creadas pola autora, así como a propia gravación e edición dos temas.

Este disco nace da intención de compartir os temas creados co público. María utiliza as cancións como un medio de expresión artística..

A autora fai das súas cancións “un xeito coma outro calquera de ciencia-ficción”. Dende o amor ata a frustración, son moitos os temas e as historias que nos presenta María nos seus temas, dende a ironía ou a picardía unhas veces e dende a sinxeleza noutras.

Nestes momentos, o disco está dispoñible para a súa escoita na rede a través de Bandcamp no seguinte enlace: https://mjperez.bandcamp.com 
ou en 
http://discosmodernos.bandcamp.com/album/mj-p-rez-lp-2013

Evidencia

https://www.youtube.com/watch?v=XJkNzHCok34
 MJ Pérez e Joshua Kenneth
Este video nace dunha idea común de MJ e Joshua que perseguían facer un proxecto en colaboración, mesturando a música co ilusionismo


Sempre

https://www.youtube.com/watch?v=trcPxvburoU

 https://www.youtube.com/watch?v=trcPxvburoU






C O N T A C T O:


mjperez.oficial@gmail.com

Contratacion:

contratacion@ovalse.com
www.ovalse.com
616 257 240