Luis Emilio Batallán presenta as cancións
do seu novo disco na súa xira por Galicia
O compositor e cantautor de Moraña regresa con “Había que chegar”, un novo traballo musical que presenta a fusión de novos ritmos e melodías.
Dende o 16 ata o 18 de outubro ofrece concertos en Vigo, Santiago de Compostela e Pontevedra.
Batallán estivo presente nos escenarios durante catro décadas de música con álbums recoñecidos como “Ballet da nena”, “Eres un fármaco” e en 2007, “Tu retrato”. Luis Emilio é coñecido polo público pola súa habilidade ao musicar poemas de grandes referentes da literatura galega como Rosalía de Castro, Uxío Novoneyra, Celso Emilio Ferreiro ou Manuel Antonio entre outros.
O intérprete morañés regresa aos escenarios cun traballo máis íntimo, máis coidado e máis persoal no que introduce ritmos jazz e blues.
Gravado e editado en Estados Unidos, Cuba, Suíza e España, por fin chega aos escenarios galegos a presentación das cancións do disco “Había que chegar” durante este mes de Outubro.
O vindeiro mércores 16 de outubro, Luis Emilio estará no Centro Social Fundación Novacaixagalicia de Vigo en concerto e acudirá ao Teatro Principal de Santiago de Compostela o xoves 17 e ao Teatro Principal pontevedrés o venres 18 de outubro para pechar unha mini-xira por algunhas das principais cidades da comunidade. O inicio dos tres concertos está previsto para as 21.00 horas.
Tras as súas actuacións durante 2012 na súa homenaxe a Celso Emilio Ferreiro en Vigo e Celanova, e actuacións ao longo deste ano en Casa das Crechas (Santiago), Bar con Uve (Moaña) ou Liceum de Porriño, Luis Emilio Batallán volve á primeira liña da música galega nunha serie de actuacións na que ofrecerá os seus novos temas e interpretará clásicos da súa traxectoria.
CONTACTO:
batallanluisemilio@gmail.com // 648 70 55 79 (Bibiano) -- 679 71 05 40 (Andrés)
Venda de entradas:
Luis Emilio Batallán en Vigo, 16 de outubro.
Luis Emilio Batallán en Santiago de Compostela, 17 de outubro.
Luis Emilio Batallán en Pontevedra, 18 de outubro.
