Na que é a súa cuarta participación no Festival Internacional de Danza de Vail en Colorado, EE.UU., Cristina interpretou un concerto para piano de Mozart para unha das mellores bailarinas de todos os tempos, a prima ballerina assoluta italiana Alessandra Ferri e o artista en residencia do festival Herman Cornejo.
Colaborando estreitamente con Damian Woetzel, Cristina participou na estrea mundial da nova obra Street Scenes, co-composta por ela mesma e por Xan Padrón para a ocasión, e que proporcionou a banda sonora perfecta para que Lil Buck, King Charles (ambos bailaríns de Madonna), Stringz e Prime Tyme mostrasen as súas incríbles habilidades dancísticas, coreografiados por Damian Woetzel.
Segúndo a reseña do New York Times “a audiencia estaba magníficamente receptiva a todo tipo de danza. “Street Scenes” combinou enxeñosamente os diversos talentos de Lil Buck e Prime Tyme (Memphis jookin), King Charles (Chicago footwork), y Stringz (Detroit jit). Aquí coma sempre, Lil Buck semellaba o mesmo espírito da danza.”
· Cristina Pato | Educación ·
Cristina atópase agora no instituto de verán The Arts and Passion Driven Learning Summer Institute na Universidad de Harvard, actuando como profesora do The Silk Road Project.
· Próximas paradas ·
A segunda semana de agosto, Cristina dirixiráse a Italia, onde dará senllos concertos en Correggio (10 de Agosto) e Trento (11 de Agosto). De volta en Galicia, concerto en A coruña (15 de Agosto).
