Dende os 3 anos nos que os seus ollos azuis viron a súa primeira gaita, Susana Seivane sempre sentiu a música galega coma a súa propia banda sonora.
Naceu en Barcelona no ano 1976 no seo da familia Seivane, un dos apelidos con máis prestixio e sona dentro do mundo dos gaiteiros e artesáns de gaitas de Galiza. Comezou a súa andaina musical ó cumprir tres anos de idade da man do seu pai, Álvaro Seivane. Aos 9, trasládase, xunto ca súa familia, a Cambre (A Coruña). Xa en Galiza, entra en contacto con mestres gaiteiros da talla de Ricardo Portela ou Moxenas que, xunto co seu propio avó, Xosé Manuel Seivane, influenciarían grandemente o seu xeito de entender e interpretar a música tradicional galega. Non tardou moito en gañarse a admiración e respecto do mundo da gaita en Galiza, comezando aos 10 anos a dar concertos por tódolos recunchos do país.
DISCOGRAFIA:
O novo disco de Susana Seivane está a piques de ver a luz, e para ir abrindo boca, a gaiteira lanzará esta semana o novo single "Esperando a Fiz", un pequeno avance nun formato de 3 temas tan evocadores como “Durmíndote”, “Momentos” e “O primeiro baile”.
O seu próximo álbum "Fiz" publicarase a principios do vran. Será o quinto da gaiteira, e foi xestándose cando estaba embarazada do seu primeiro fillo (que da nome ao disco).
Está inspirado nel e recolle os sentimentos dese feliz estado e da chegada ao mundo de Fiz. É romántico, inspirador e tenro, posiblemente o álbum máis privado e intimista da gaiteira, feito para nenos e non tan nenos, pais e fillos de todas as idades. É evocador e hipnotizador, non poderedes deixar de escoitalo.
Susana Seivane que diran
CONTACTO:
info@susanaseivane.com
MÁIS INFO:
http://www.susanaseivane.com/
