Urbano Cabrera é un cantautor galego de amplia traxectoria no mundo da música, comprometido coa potenciación do idioma galego no eido da música, en toda clase de estilos, dende o folk ata o blues.

Debido ó seu carácter aberto, experimentou con diversos sons, coma o blues, o reggae , a bossanova, o jazz, o country, a música africana, o swing ou o folk máis tradicional, tal e como queda reflectido na súa discografía.

As súas coidadas letras son unha mestura de temáticas sociais e reivindicativas que falan de loita, de rebeldía, de solidariedade, de amor e de desamor e das relacións entre seres humanos. A súa música é fonda, acústica, que convida a pechar os ollos e soñar.

1.970 é o ano de arranque de Urbano Cabrera. Nese ano participa no mítico festival da Virxe da Rocha en Baiona xunto con membros de Voces Ceibes e con varios milleiros de asistentes, ca súa canción Martin Luther King. Tamén nese ano funda o grupo Balcagia, e compón o tema Xa van os homes pra o campo, tema que gañaría, en 1973, o primeiro premio do primeiro Festival de Música de Galicia, celebrado na cidade de Vigo.

En 1.972, Urbano Cabrera trasládase a Londres, e, durante un ano, toca en pubs e restaurantes. Nese período amplía os seus horizontes musicais baixo a influencia de músicos como Bob Dylan e Cat Stevens. No ano 1.974, grava en Madrid co fundador de Los Brincos, Fernando Arbex, o tema A San Francisco, e dase de alta como socio da S.G.A.E. De regreso a Galicia, percorre o país dando concertos nun ambiente social e cultural moi politizado.

De 1.980 a 1.982, forma parte do grupo de folk Mareira. A finais dos 80, retoma os concertos en solitario coma cantautor.

Inimigo declarado da industria discográfica, grava o seu disco Tarantela, en 1996, ó que seguirán Segundo Andar no 2000 e Penalba en 2004.

Autor de máis de 500 cancións que poñen de manifesto unha grande riqueza temática que fuxe da mensaxe fácil ou da palabra rebuscada, o importante nos seus temas é a comunicación e o facer sentir e pensar. Amante da boa música e da poesía intelixente, social e de sentimento, Urbano Cabrera é gran admirador de músicos coma Bob Dylan, Leonard Cohen, Tom Waits, Neil Young, Jose Afonso ou Silvio Rodriguez, e de poetas coma Celso Emilio Ferreiro ou Miguel Hernández.

Convidámosche a escoitar a súa música, pra loitar, soñar e amar.

DISCOGRAFIA:

Soñarás en maio coas chuvias de abril (2019)

Temas:

Dun pais chamado Humanidade
Con tanto amor
Soñarás en maio coas chuvias de abril
Olivia Urbano
Agardando por ti
sangue
Dalle a volta a todo
Para chegar
Falas por falar
Sarai
Cómplices da marxinación
Pleonasmo

"Moitos meses traballando duro, e por fin, o traballo está rematado.

Foi moi gratificante traballar co talento, como músico nas guitarras, dobro, mandolina e teclado.e como productor de Mig Seoane.

Tamén foron de vital importancia neste disco, Suso Feixón, na bateria. O señor don Carlos Castro nas percusions. Saul Puga no contrabaixo. Nacho Muñoz, nos teclados. Ruben Abad, na steel, laud e ukelele. Elena Vazquez, no violin, o señor J. M. Guzman, cantando un dos temas conmigo.

Eternamente agradecido.

Urbano Cabrera"

Soñarás en maio coas chuvias de abril

https://www.youtube.com/watch?v=_jJV3fax2AY&list=OLAK5uy_kBUkF8TMibVdXeZNF3Wlbno1CyPobFsmE&index=3

Soñarás en maio coas chuvias de abril está dispoñible nas pricipais plataformas dixitais no soundclod https://soundcloud.com/urbanocabrera asi como na canle de youtube de Urbano Cabrera https://www.youtube.com/channel/UCYMh7E6Ge7mlT1B7QNpVsTQ.

En formato físico podedes mercalo nos seus concertos ou contactando no seu facebook https://www.facebook.com/profile.php?id=100008200565985.

https://urbanocabreraacustico.bandcamp.com/releases

"Acustico " (2016)

Este é un disco NON EDITADO. Unha escolla de temas en acústico en estudio ou ao vivo en concertos en Madrid, Lisboa ...

Podedes disfrutar dos quince temas, coas súas letras e se é do voso agrado descargalos de balde (premendo en Buy Now e logo dandolle 0€) desde o seu bandacamp:
https://urbanocabreraacustico.bandcamp.com/releases

"Tarantela" (1998)

Neste primeiro disco tentou reflectir todo o que levaba agrumando desde os seus comenzos, presentando asi doce temas dos máis variados estilos, rock, blues ...

«miñas cancións falan de amor, de desamor, de preocupaciones sociais, das relacións humanas, a ecoloxía...Nese aspecto non me diferencio moito do que fan outros como Dylan, Sabina ou Pedro Guerra, o que me diferencia é o meu propio estilo e que son un defensor a ultranza de facer música en galego con textos de hoxe en día. Non uso -ainda que sí leo-, textos de otros poetas porque eu podo aportar a miña visión do que pasa desde aquí»

Gravado nos estudios Area Master e producido por José Maria Guzman (Canovas, Adolfo, Rodrigo e Guzman)
01-tarantela
02-buscando plan
03-a formiga inconformista
04-son un pasmon
05-contame un conto
06-traficante de credos
07-a cor da verdade
08-cecais ub dia se fartara
09-acouga este mar
10-chalet azul
11-non te deixes enganar
12-cantando este blues

Urbano Cabrera. Videoclip Acouga este mar.

https://www.youtube.com/watch?v=P3ggx6uUjVI

"Segundo Andar" (2000)

Para o seu segundo disco Urbano decidiu darlle uns arranxos mais sionxelos , máis próximos ao son que se ia escoitar nos seus directos. Contou coa aportación de catro dos cinco compoñentes de Siniestro Total (Segundo Grandío no baixo e piano ademáis de ocuparse dos arranxos e a producción; Ángel González na batería, Jorge Beltrán co saxo, e Javier Soto coa guitarra elécrica) e instrumentistas de violín, viola, violoncelo, trombón e teclados.

Gravado e mesturado en Casa de Tolos.

Urbano Cabrera foi pioneiro na autoedición cando ainda era algo de musicos de "segunda".

01-que conto ten a vida
02-africa
03-esquecendo o corazon
04-poder e soñar
05-mar de escuma brava
06-con megas de deseño
07-complices da marxinacion
08-era un ligon
09-a lampada maxica
10-agora ou non
11-e abertas as mans
12-hestoria de alguen
13-tren
14-cadeas de papel

Urbano Cabrera. Que conto ten a vida

https://www.youtube.com/watch?v=QxPw8IggcOA

"Penalba" (2003)

Último dsico polo de agora (magoa) que contén temas tan emblematicos coma ninguén escoitou ou Gondomar.
Gravado e mesturado en Casa de Tolos por Segundo Grandio.
Autoproducido polo autor e por Carlos Castro e autoeditado.

01-de portas afora
02-auga corrente
03-penalba
04-estou vello
05-e fuximo-los dous
06-contando historias
07-facendo numeros
08-ninguen escoitou
09-master do universo
10-marta
11-lembrate dos gatos
12-Gondomar