A PEQUENA E GRANDE ORQUESTRA

Sabemos do interese das novas familias polos espazos de ocio compartidos coas miúdas da casa e ese será o noso espazo, neste momento a oferta artística dirixida a estes públicos é ampla mais este proxecto ven encher ese oco : o do baile e a música, o da orquestra en familia ¡¡¡

Na selección de pezas que esta grande orquestra interpretará estarán as referencias da música infantil mundial de todos os tempos, mais será a música infantil galega o eixo sobre o que xirará a escolla, e neste eixo partiremos do repertorio de música infantil máis tradicional, pasando polos grandes éxitos que acompañaron nos 90 a toda a xeración Xabarín, e continuando o percorrido polos grupos musicais que nos últimos 15 anos teñen agromado no País e que xa neste momento son seguidas por fans miúdos alí por onde pasan.

A formación musical da pequena e grande orquestra é de luxo:
Carliños Freire á batería
Pablo Vidal no contrabaixo
Javier Costenla no piano
Benxamín Vázquez á guitarra

coas voces ao fronte de :
Sabela King
Javi Gradín
Nerea Bello



Todas elas e eles músicos que proveñen da escena musical galega contemporánea que farán bailar e cantar a grandes e pequenas.



CONTACTO: 
info@urdime.net