VOLBORETEI (2017)
Batería: Xurxo Aboy
Baixo: Anton Torroncho
Guitarra: Pla Vinseiro
Guitarra, voz, coros, compositor música/letra: Gabriel Estrada
Gabriel Blanco, líder da banda: “VOLBORETEI Componse de oito cancións que falan das amizades, da morriña, da terra, e de todos os sentimentos que tiven ao estar fóra da casa e espertaba pensando en Galicia,.. e tamén me deitaba pola noite soñando con ela”
Gabriel Blanco sinala que para a gravación deste novo traballo e a posta sobre o escenario contou cos músicos Antón Torroncho ao baixo, Pla Vinseiro á guitarra, Xurxo Aboy á batería e Iago Pico na mesa de control. O CD é unha interesante mestura de sons que van desde o pop dos anos 80 ata a música tradicional, mesturando figuras como alalás ou ritmos de rumba e muiñeira contemporanizados con acentos pop-surf e cunhas letras repletas de sentidos.
O disco foi apoiado por 66 micromecenas mediante unha campaña de crowfunding na que se conseguiu recaudar 2.000 euros para sacar adiante o proxecto. “Esta gala será unha oportunidade máis para agradecer a axuda a todas aquelas persoas que confiaron en min e fixeron compras anticipadas a traves do crowfunding” –manifesta–.
Despois do seu periplo interpretativo, comezou a moverse como cantautor polo circuíto “La noche en Vivo”, actuando en salas como Búho Real, Libertad 8, Zanzibar, Galileo ou Caracol, e decidiu voltar a Galicia decidido a pegarlle un empurrón a súa carreira musical. Xa ten demostrado claramente as súas habilidades como cantante e compositor, cun amplo rexistro que lle permite enriquecer as súas cancións dándolles un ritmo característico e convertíndoas no que son, historias con solidez. A súa versátil forma de cantar e a súa obsesión polos sentidos son marca da casa e fían o debut da súa nova aventura con “Volboretei”.
En 2014 saíu á luz o seu primeiro traballo profesional, “Atletas del corazón”, disco baseado nas seis emocións básicas do ser humano, e gravado nos estudos T-108 coa colaboración de músicos como Thomas Thirta de Undrop/Marlango/Macaco e Mr. Kilombo. Tras estes anos de duro traballo, a recompensa vai chegando a modo de recoñecementos, como ser finalista no Santiautor 2014, semifinalista no Vodafone Yu Music Talent 2015 e no Sonomusic 2015, ademais de gañar o certame da Canción do Verán 2017 de TVG co tema “Xunto a ti”.
Presentación de “Volboretei” na SER:
https://www.youtube.com/watch?v=fd8DviFK4A0
Actuación de Plan Siberia na Gala do 25 xullo na TVG, interpretando o tema “Xunto a ti”:
https://www.youtube.com/watch?v=td3o36SUHJs
Actualmente Plan siberia está en mais de 100 plataformas dixitais:
Contacto e management:
645964297 – plansiberia@gmail.com
