Asuntos pendentes é unha produción do poeta galego Juan Carballo e o músico valenciano Manolo Tarancón

Unha obra íntima, na que levantan unha ponte para entenderse nun universo de poemas musicados e cancións.

Un disco-libro en galego que aposta por amosar a sentimentalidade na lingua en que se creou, en Galiza e fóra dela.

O disco gravouse nos Estudios Calexico de Valencia entre os meses de abril e agosto de 2017 por Manolo Tarancón. Producido por Manolo Tarancón. Mesturado e masterizado po Carlos Soler.

A ilustradora Nuria Díaz é a encargada de envolver de maxia este traballo para convertelo nun obxecto especial. Unha edición de luxo onde todos os matices da música e da poesía, se perciben nas mans.