Depois dun tempo, e por circunstancias da produción, fomos fichar ao baixista, o Lucho, a Olelas. Ao Anxo, o que boura desde 2015 na batería, tivémolo que buscar fóra. Sendo todos arraianos, só el é un pouco estranxeiro, naceu uns quilómetros máis arriba, na urbe, pero xa foi acolhido coma un igual, e circuncidado.
Xuntámonos por primeira vez, e como sempre, para faer ruído, que é o que máis nos gusta. O ruído, en galego, por prescrición médica, e en forma de rock para berrar mirando para o Altar dos Cabrós. Tamén en forma de punk, fixándonos nas cristas das bubelas, porque nos gusta navegar entre o respecto à tradición e o desexo de esnaquizala.
Levamos feito umha xira de varios anos/lugares na provincia, xeralmente en sitios cos que compartimos moitas sensibilidades (ou cervexas, según se mire), Lobios, Bande, Maceda, a capi... Este ano tocamos na casa, no palco da orquestra das festas de Entrimo, sentíndonos como Santana en Woodstock.
O Galo
Video gravado por Dibujando con Luz nas terras de Entrimo e da Baixa Limia.
Xa gravamos a nosa primeira maqueta e o noso primeiro videoclip! Xa non rompemos cordas, nin atamos un pau a umha cadeira para recrear un micro, xa non se nos baixan os automáticos nin temos visitantes uniformados. Agora temos o noso particular “Utility Muffin Research Kitchen”, e o que acompanha aos nosos instrumentos xa non son leiróns e si espumas acústicas de 23,0 ± 2,0kg/m³ de densidade."
Podedes escoitar e descargar o seu traballo discográfico en:
https://foraostiasentrimo.bandcamp.com/?fbclid=IwAR1zFoLGstTXrzVEOt736apn2xD_3pPAttCBLvkIBiN_6MUexThk--p73Ec
CONTACTO:
f.o.entrimo@outlook.es
