OSCAR FOJO

Non sei cando nin onde, nin por qué, nin sei se sei por onde andaba.
Sempre, nunca, ás veces perdín uns papeis que dis que que din que me faltaban.
Atopar, os atopei e por moito que probei, non fun quen de entender
o que as palabras me contaban,
entón decidín que non, que non ía ser quen son,
que non ía ser quen son…



Foto: Oscar Millarengo


Despois de toda a vida adicándome á música en diferentes agrupación de moi variados estilos musicais, decídome a dar un paso máis alá e facer un disco en solitario. Na última decada fun o compositor e letrista das bandas "El Viejo Caracol" e "Blah!", mais estiven tamén como guitarrista e batería de outros grupos de rock, folk, pop da Galiza : Charetas, Zinza, Morecegos, Retobato, Os Derradeiros...

De ventos e lúas (2019)

Diante dunha folla en branco atópome buscando as ideas e as palabras que describan quen son e que fago neste mundo. Non é fácil.

Trato de resumirme pero os recordos enchen a noite e non son quen de poñerlles orde.
Quixera comezar polo principio pero segue a ser difícil.

"Tiven o privilexio de contar con moitas colaboracións de fabulos@s artistas como Guadi Galego, Leandro Lamas, Roberto Grandal, Rafa Pereira, Javi Amor, Carlos Mosquera "Mos", Danny Abeledo, Esteban Barcia, Rubén Ferreira, Silvia Fojo, Tania Redondo e cos xa incondicionais compañeiros de moitos anos: Miguel Pita, Mon Ibáñez, Miguel Brañas e Fausto Escrigas."

Gravado nos RRStudios de Danny Abeledo.

Deseño de portada: Leandro Lamas