Joel Padin iniciouse na música tradicional no ano 2011, cando comezou a cantar e tocar a pandeireta nunha asociación do seu pobo (Mar de Arousa). As súas ganas por avanzar, levárono a probar en diferentes grupos para intentar comprobar cal era o máis adecuado ás súas necesidades. En 2018, preséntase ó concurso da TVG, Pequenos Fenómenos, concurso no que queda en primeiro lugar, cantando só música tradicional.
Aughas mortas (2021)
En 2021 saíu á luz “Aughas Mortas”, título co que quere deixar claro que pertence con orgullo ás terras de Vilagarcía de Arousa, onde así lle chaman ás medusas.
O seu primeiro traballo discográfico inclúe 13 temas do tamén vilagarcián Carlos Rey, quen lle deu a oportunidade de luxo de poder escoller entre o inxente número de cantigas que atesoura das recolleitas polas aldeas de Galicia.
Gravouse en Pontecaldelas, en estudios Ancestral, mistura en A Lagharteira por Isaac Millán.
O disco contou co patrocinio do Concello de Vilagarcia de Arousa.
Heleniña
Heleniña (recollida no lugar de Folgoso, Cotobade a Filomena Fráiz, Delfina Taboada, Filomena Castro, Hemérita Castro e Gumersinda López en 1988)
https://www.youtube.com/watch?v=ymaKf7bBcqg
CHERINDAINA
Cherindaina foi recollida orixinariamente por Carlos Rey a Flora Vázquez Caneda, en Bembibre, Val do Dubra. Pasodobre ó que quixemos darlle un toque diferente, sempre dende o máximo respeto a tódolas informantes.
https://www.youtube.com/watch?v=H8R9VADClaM
Miña Fouce
Peza recollida por Carlos Rey, a Perfecto Anido Branco no Val do Dubra no ano 1993.
https://www.youtube.com/watch?v=XLxsg4pY8xA
