Amoebo formano : Aaron Valle ( Ourense )e David Fernandez ( Ribadeo) .

Nos directos contan cas bailarinas de Tempo 154: Lily, María, Celia e Antía

Amoebo foi unha das bandas seleccionadas para formar parte da aceleradora musical Son Emerxente de Fundación Paideia. Nela traballou con profesionais da industria galega como Patricia Hermida, Juan de Dios, Xaime Miranda, NONONON Lab ou The Office Comunicación. Esta aprendizaxe sobre o sector axudou a levar o proxecto ao seguinte nivel, para lanzar seu ambicioso e agardado novo álbum, Escándalo no escuro, neste 2025.

Escándalo no escuro (2025)

Amoebo publicou o seu novo álbum Escándalo no escuro un ambicioso dobre LP no que unha das bandas máis desinhibidas da escena musical galega do momento explora os ritmos máis urbanos, mesturados co pop dos 2000, dando paso, tamén, aos sons máis rockeiros.

Este ambicioso dobre álbum, con 14 novas cancións que chegan a golpe de provocación, escuridade, sexo, paixón, ansia, medo ou dor. Como a propia banda remarca: “Escándalo no escuro é un disco para bailar sen parar, moi potente, de principio a fin. E o directo que estamos a preparar é potentísimo, cun ritmo desenfreado, cheo de coreografías, de guitarras e de posta en escena; moi intenso, que non deixa respirar”.

podedes escoitalo nas plataformas dixitais

https://music.youtube.com/watch?v=rGkhtZHJZPA&list=OLAK5uy_nys5NqMScq9V4IsgP6M5Mn_wcx_P1gLpk