Dos muíños ao batedor. Un cuarteto de gaitas que acaba en folk de velcro.
Cantos xeitos hai de facer un arroz con verduras?
Ocórrensenos moitos. E cada un sabe distinto.
O arroz con verduras debe levar arroz e algunha verdura. Non hai máis regras. Cánto vai de cenorias e canto de tomates depende de cada un. Os pousos do arroz permanecen sempre, invariablemente.
Levamos anos entre os fogóns. Cociñeiros de recoñecido prestixio estiveron entre nós, artesáns doces e
espumadeiras alargadas deixaron a súa pegada particular na carta de pratos.
Nouvelle cuisine ou lareiras. Dicotomías ou mesturas. O ritmo da coción é inexorable, coma o tempo, e faise difícil non caer na tentación. Pero todo flúe, e resulta que os trigueiros se acoplan con naturalidade ao basmati. Que aofinal, todo é comida!
En todo caso, o importante é alimentarse ben.Bo proveito!
TROMENTELOS - O ferreiro paspallás
TROMENTELOS - Quero escoitar
Ingredentes:
Versatilidade, frescura, agrupación, mestura.
Velcro. A filosofía de mesturar e remexer. Non podía ser doutro xeito, sendo como somos un grupo heteroxéneo, de apertura de miras pero co peso da música de raíz baténdonos enriba.
A nosa composición atópase en calqueira mercado musical. A saber:
Gaita: o fío condutor, a orixe sobre a que se montan os temas.
Saxofón e clarinete: matizando melodías co vento.
Acordeón e baixo eléctrico: lousas harmónicas sobre as que descansa a nosa casa.
Guitarra eléctrica: a incorporación máis recente, buscando novas perspectivas.
Batería e percusións: o metrónomo que marca os tempos de cocción.
Voz: oralidade. Que non hai comida sen boca!
Temas de composición propia (Amarillo California) xunto a melodías tradicionais arranxadas
para a nosa formación (A Lúa). Temas que invitan ao baile (Strobando’g) xunto a melodías máistranquilas (O Ferreiro Paspallás).
TROMENTELOS
Tras anos de experimentación, ao fin demos coa fórmula axeitada que expresa as nosas inquedanzas e que reflicte o noso gusto polo ecléctico. E sobre todo, que nos identifica como músicos galegos, facendo música galega. Con inclusións, pero cunha base moi clara e que aparece en todos os nosos temas. É un dos nosos puntos fortes, o sabor a música do País que queda despois de escoitarnos. O regusto dos sons propios.
Tromentelos nacen en Melide ( A Coruña) hai uns 10 anos, como quinteto de música tradicional galega. Co paso do tempo vanse incorporando novos instrumentos (saxo, guitarra, baixo, batería…) e o grupo evoluciona cara un estilo de música folk, conservando as súas raíces. Ao longo destes anos, a formación ofrece concertos por salas do ámbito local ao que pertence o grupo, fundamentalmente, e nalgunha outra da xeografía galega. Tras anos de experimentación, ao fin demos coa fórmula axeitada que expresa as nosas inquedanzas e reflicte o noso gusto polo ecléctico. Hai un ano Tromentelos acada o seu grao de madurez e comeza a gravación do primeiro traballo, “Folk de Velcro”. É neste pasado ano, en agosto de 2013, cando tamén ten a oportunidade de actuar no marco do Festival Intercéltico de Lorient (Francia), a través da empresa de turismo galega Turgalicia.
Un directo espontáneo e animado con cabida para momentos diferentes durante o concerto. Sazonar coa presencia do gaiteiro, a cordialidade das percusións, o bo humor dos ventos, un toque de morriña da cantante e … é o noso arroz á galega!
+ info
https://www.facebook.com/tromentelos.chispum
tromenteloschispum@gmail.com
Tlf. 686802102
