Compoñentes:

Paulo: Voz
Sarilhe: Batería
Finchos: Baixo
Antom: Guitarra
Carlos: Guitarra

Somos cinco rapaces de distintos vértices que combustionan en Compostela, descargando relampos de punk rock and roll en dúas fases, de 2008 a 2010, e desde 2019.

Golpe (2020)

Impulsos Criminais presentamos “Golpe”, gravado e masterizado en Estudio Terraforma (O Hío) por Ibán Pérez, un novo traballo de tres temas xa dispoñible en Spotify, Bandcamp, YouTube e demais tendas dixitais.

“Golpe”, ademais do choque violento de dous corpos, é unha das denominacións do Vulpes vulpes, ou raposo, título dun dos temas, cos que queremos expor a situación terminal do ser desarraigado e asoballador do seu contorno, dos seus iguais, desmemoriado, insolidario... contra o que propoñemos este choque, ser parte activa, “mobilis in mobili”, para reconectar, para recomezar, en clave colectiva e individual.

[...] un acorde flutúa no tempo/ para esgazar esa postura antinatura/ impostada/ antivirxiliana/ a Prisciliano invocamos/ aos mártires de Carral/ ás mulleres do rural/ porque quixemos/ sempre/ con eles peregrinar/ velaquí un altofalante/ a ámbalas beiras as guitarras/ Pacho e Sangue disparan relampos/ Lobo e Sensei marcan os pasos/ da otite das elites/ o lóstrego bucólico que volve petar/ o lóstrego bucólico que volve harmonizar/eternos camiñantes/ paxaros resilientes de asfaltos incendiarios.../ (volveremos vernos, coma na vida, nos escenarios)

Podedes escoitalo enteiro en:

https://impulsoscriminais.bandcamp.com/album/golpe

ou no youtube.